Bog‘chada bolalar ko‘z o‘ngida xotinini o‘ldirgan erkakka hukm o‘qildi

Voskresenskda sud o‘z xotinini bolalar bog‘chasi tarbiyalanuvchilari oldida o‘ldirgan Vladimir Vorobyovni 11 yilga ozodlikdan mahrum qildi. Bu haqda "Lente.ru"ga Moskva viloyati prokuraturasi matbuot xizmati rahbari Natalya Grigoryeva xabar berdi.

Aniqlanishicha, u 2020 yil 31 avgust kuni tushdan keyin rafiqasi ishlagan bolalar bog‘chasiga mast holda kelgan. Rashk tufayli u xotinining bo‘yin, ko‘krak va qo‘llariga pichoq bilan o‘n sakkiz marta urgan. Ayol olgan jarohatlaridan joyida vafot etgan.

Erkak Rossiya Federasiyasi Jinoyat kodeksining 105-moddasi 1-qismi ("Qotillik") bilan aybdor deb topildi. U jazoni qat’iy rejimdagi koloniyada o‘taydi.