Biz oxirigacha mazlumlar tomonida bo‘lamiz: Erdo‘g‘on Isroil bilan munosabatlarni tiklash haqida gapirdi

Turkiya prezidenti Rajab Toyyib Erdo‘g‘on Isroil bilan aloqalarni uzgan Anqara munosabatlarni tiklash bo‘yicha qadamlar rejalashtirmayotganini aytdi.

«Biz Turkiya Respublikasi davlati va hukumati sifatida Isroil bilan aloqalarimizni uzdik, biz kelgusi davrda bu munosabatlarni yaxshilashni rejalashtirmayapmiz.

Biz bu qat’iylikni saqlab qolamiz va Turkiya Respublikasi hukumati Toyib Erdo‘g‘on boshchiligida Isroil bilan munosabatlarni rivojlantirmaydi», — dedi u.

«Biz Isroil bilan savdo va aloqalarni to‘xtatdik. Biz Falastinni uning adolatli ishida oxirigacha qo‘llab-quvvatlaymiz. Biz zolim [Binyamin] Netanyaxudan va uning to‘dasidan o‘z harakatlari uchun qonun oldida javob berishni talab qilamiz. Biz oxirigacha mazlumlar tomonida bo‘lamiz,» - dedi Erdo‘g‘an.