Bir kechada Rossiya Ukrainaning 162 ta dronini urib tushirdi

1 iyun soat 20:10 dan 2 iyun 2:00 ga qadar Rossiya havo hujumidan mudofaa tizimlari Ukrainaning 162 ta samolyot tipidagi uchuvchisiz samolyotlarini tutib oldi va yo‘q qildi. Bu haqda Rossiya Mudofaa vazirligi xabar bermoqda.

Departament ma’lumotlariga ko‘ra, Kursk viloyatida 57 ta, Belgorod viloyatida 31 ta, Lipesk viloyatida 27 ta va Voronej viloyatida 16 ta dron yo‘q qilingan. Yana 11 ta dron Bryansk va Ryazan viloyatlari, oltitasi Oryol viloyati, ikkitasi Qrim va bittasi Tambov viloyati ustidan urib tushirilgan.

Kecha tunda Belgorod viloyatining Proletarskiy qishlog‘ining o‘qqa tutilishi oqibatida bir ayol halok bo‘ldi. Ryazanga uchuvchisiz samolyot hujumi natijasida to‘xtab turgan mashinalarga zarar yetgan, bir qancha uylarning oynalari singan. Xuddi shunday zarar Voronej viloyatida ham qayd etilgan. Shuningdek, viloyatda M-4 "Don" avtomagistralida yuqori voltli sim uzilgan. Kursk viloyatida dron qoldiqlari qulashi natijasida bir nechta xususiy uylar va garaj yonib ketdi.

Lipesk viloyati gubernatori Igor Artmonovning ma’lum qilishicha, Lebedyanskiy tumanida bir kishi jarohatlangan, dron parchalari ikki uyga kelib tushgan. Bryansk viloyati gubernatori Aleksandr Bogomazning ma’lum qilishicha, voqea joyida qurbonlar va oqibatlar yo‘q.