Berlinda soxta polisiyachilar kvartiraga bostirib kirib, 100 ming yevro o‘g‘irlab ketishdi — Bild

Nashr ma’lumotlariga ko‘ra, bir nechta jinoyatchi ko‘p qavatli uyning 17-qavatidagi kvartiraga qo‘ng‘iroq qilib, o‘zlarini polisiya xodimlari deb tanishtirishgan. Eshik ochilgach, ular gaz sepib, ayolni qurol dastasi bilan urishgan va uning erini pichoq bilan yaralashgan.

So‘ngra o‘g‘rilar naqd puldagi taxminan 100 ming yevroni o‘g‘irlab ketishgan. Polisiya yetib kelguniga qadar jabrlanuvchilarning o‘g‘illari bosqinchilardan birini ushlab qolishga muvaffaq bo‘lishgan, qolganlari esa yashiringan, deyiladi xabarda.