Shveysariya terma jamoasi 2026 yilgi Jahon chempionati guruh bosqichi uchrashuvida Qatar terma jamoasi bilan durang o‘ynadi — 1:1. O‘yin AQShning Santa-Klara shahridagi «Livays» stadionida bo‘lib o‘tdi.
Uchrashuvning 17-daqiqasida shveysariyaliklar hujumchisi Brel Embolo penaltini aniq amalga oshirib, hisobni ochdi. 90+4-daqiqada esa qatarliklar himoyachisi Bualem Xuxi hisobni tenglashtirishga muvaffaq bo‘ldi.
Shu tariqa, Shveysariya va Qatar bir ochkodan jamg‘arishdi. «B» guruhining boshqa ishtirokchilari — Bosniya va Gersegovina hamda Kanada terma jamoalari hisobida ham bittadan ochko mavjud.
Navbatdagi o‘yinda shveysariyaliklar 18 iyun kuni Bosniyaga qarshi maydonga tushadilar, Qatar esa 19 iyun kuni Kanada bilan kuch sinashadi.
QATAR — SHVEYSARIYa — 1:1
Gollar: Brel Embolo 17-pen (0:1), Bualem Xuxi 90+4 (1:1).
Qatar: Abunada, Pedru Migel, Xuxi, Axmed, Al-Oui (Budiaf, 60), Madibo (Al-Mannai, 78), Laye, Abdulsallam (Fati, 60), Afif, Edmilson Junior (Al-Xaydos, 88), Abdurisak (Al-AYEldin, 60).
Shveysariya: Kobel, Elvedi, Akandji, Rodriges (Muxaym, 89), Zakariya, Djaka, Froyler (Yashari, 89), Ebisher (Manzambi, 65), Vargas (Amduni, 79), Ndoy (Rider, 65), Embolo.
Ogohlantirishlar: Abunada (16), Abdulsallam (23) — Zakariya (42).
Timmi ismli kit bioyoqilg‘iga aylanadi
AQShda ham to‘y qilayotganlar aqldan ozmoqda
O‘zbekiston — Kolumbiya o‘yini uchun chiptalar sotuvi rekord darajaga chiqdi
