Belarus O‘zbekistonga favqulodda vaziyatlar sohasida kadr tayyorlashda yordam beradi

Belarus FVVga ko‘ra, ikki davlat soha vazirliklari o‘rtasida 2023-2024 yillarga mo‘ljallangan hamkorlik bo‘yicha chora-tadbirlar rejasi imzolandi.

U quyidagilardan iborat:

🔸favqulodda vaziyatlar va ular oqibatida odamlar o‘limining oldini olish bo‘yicha ilg‘or tajribalarni ishlab chiqish;
🔸kadrlar tayyorlash, xususan, Belarus FVVning Fuqaro muhofazasi universiteti negizida o‘zbekistonlik mutaxassislarni tayyorlash;
🔸qutqaruvchilarni samarali shaxsiy himoya vositalari bilan jihozlash, yong‘indan qutqaruv bo‘linmalarini moddiy-texnik ta’minlash;
🔸qidiruv-qutqaruv, yadroviy va radiasiyaviy avariyalarni bartaraf etish bo‘yicha qo‘shma mashg‘ulotlarni tashkil etish va o‘tkazish.