Viktoriya Bekxem o‘g‘li Bruklinning to‘yiga tayyorgarlik ko‘rmoqda.
«U aktrisa Nikola Pelts bilan hayot yo‘llarini bog‘lamoqda», deb xabar berdi xonanda Instagramdagi sahifasida.
Viktoriya kelin-kuyovga sevgi va baxt tiladi. O‘z navbatida, Nikola ham qaynonasini juda qattiq yaxshi ko‘rishini hamda o‘zini eng baxtli qiz deb bilishini yozdi.
21 yoshli Bruklinning ota-onasi o‘g‘lining tanlovidan mamnun, ular 25 yoshli Nikolani birinchi ko‘rganlaridayoq yaxshi ko‘rib qolishgan.
Nikolaning otasi - amerikalik biznesmen Nelson Pelts bo‘lib, uning boyligi 1,72 milliard dollarga baholanadi.
Bo‘lajak Bekxem xonim esa “Transformerlar” hamda “Model Beyts” kabi filmlarida rol ijro etgan.