Qirq uch yil - tarixda hech bir ayol o‘zi qilmagan jinoyati uchun Amerika qamoqxonasida bunchalik vaqt o‘tkazmagan. Juma kuni adolat qaror topdi va Sandra Xemme O‘rta G‘arbdagi ayollar qamoqxonasidan ozod qilindi.
Xemme 1980 yilda kutubxonachini pichoq bilan o‘ldirgani uchun umrbod qamoq jazosiga hukm qilingan. Yagona dalil - mahkumning chin dildan iqror bo‘lishi edi.
Oradan 40 yil o‘tib, ish ko‘rib chiqildi va sud Xemmening aybsiz degan xulosaga keldi. Iyun qarorida aytilishicha, ruhiy kasalliklar shifoxonasida tinch holatda bo‘lgan gumonlanuvchidan olingan iqrornoma asosan tergovchilarning savollariga bir bo‘g‘inli javoblardan iborat.
Shtat prokurori oxirigacha Missuri shtatidagi uchta sud: quyi sud, apellyasiya sudi, keyin esa Oliy sud qaroriga qaramay, 43 yil avval begunoh qamoqqa tashlangan ayolni ozod qilishni istamadi. Sudya prokurorni sudga hurmatsizlik uchun javobgarlikka tortish bilan tahdid qilgandan keyingina qamoqxona eshiklari ochildi.
