Bayden kecha o‘z ma’muriyati yuritgan tashqi siyosat haqida so‘nggi marta bayonot berdi

AQSh prezidenti Jo Bayden 13 yanvar kuni Davlat departamentida o‘z ma’muriyati yuritgan tashqi siyosat haqida so‘nggi marta bayonot berdi.

Baydenning bayonotidan asosiy iqtiboslar:

◾️ AQSh global raqobatda g‘olib kelmoqda, Amerika hozir to‘rt yil oldingiga qaraganda kuchliroq, bizning ittifoqlarimiz ancha mustahkam;

◾️ Qo‘shma Shtatlar dunyodagi eng dinamik iqtisodiyotga ega, biz iqtisodiy qudratimizni oshirdik;

◾️ Prezidentligim davrida Amerikani barcha sohalarda kuchaytirdim;

◾️ AQSh har qachongidan ham qudratli;

◾️ Putin uch kunda Kiyevni bosib olaman, deb o‘ylagandi, lekin Kiyev markazida men bo‘ldim, u emas;

◾️ Bugun amerikaliklarga shuni aytishim mumkinki, bizning raqiblarimiz to‘rt yil oldingiga qaraganda zaifroq;

◾️ Putin hali ham Ukrainani bo‘ysundira olmadi, NATO birligini buzolmadi va sezilarli hududiy yutuqlarga erisha olmadi;

◾️ Rossiya rubli kuchli bosim ostida;

◾️ Putin bosqinni boshlaganda, men o‘z oldimga ikkita maqsad qo‘ydim: Ukrainaga yordam berish uchun dunyoni birlashtirish va yadroviy qurolga ega davlatlar o‘rtasida urushga yo‘l qo‘ymaslik;

◾️ AQSh va uning ittifoqchilari Ukrainaga yordam berishdan voz kecha olmaydi, deb hisoblayman;

◾️ AQShning Kiyevga ko‘rsatgan yordami Rossiya bilan yadro to‘qnashuvini keltirib chiqarish xavfini tug‘dirganini tan olaman;

◾️ Bugun Ukraina hali ham erkin, mustaqil davlat bo‘lib qolmoqda va yorqin kelajak uchun salohiyatga ega, buni alohida ta’kidlash kerak;

◾️ So‘nggi to‘rt yil ichida Rossiya yanada zaiflashdi, bunga ularning o‘zlari aybdor;

◾️ So‘nggi ma’lumotlar va Xitoy tanlagan yo‘nalishga ko‘ra, ular bizni ortda qoldira olmaydi;

◾️ Men afg‘on urushini vorisga topshirmaganman so‘nggi o‘n yilliklardagi birinchi prezidentman.