AQSh prezidenti Jozef Bayden payshanba kuni 39 kishini amnistiya qildi va 1500 ga yaqin mahkumning jazosini yengillashtirdi. Bu mamlakat prezidenti tomonidan bir kun ichida chiqarilgan eng ko‘p avf bo‘ldi, deb xabar beradi Sinxua axborot agentligi.
“Bugun Prezident Bayden 1500 ga yaqin amerikalikning jazosini o‘zgartirganini e’lon qildi – bu (bir kun ichida avf etish bo‘yicha) eng yuqori ko‘rsatkich”, – dedi Oq uy.
1 500 ga yaqin shartli ozodlikdan mahrum etilganlar jazosini COVID-19 pandemiyasi davrida kamida bir yil uyida o‘tagan.
“Shuningdek, u zo‘ravonliksiz jinoyatlarda ayblangan 39 kishini amnistiya qildi”, – deyiladi Oq uy bayonotida.
Bu atama ko‘pincha giyohvandlik, firibgarlik yoki o‘g‘irlik bilan bog‘liq jinoyatlarni anglatadi.
Associated Press agentligi xabariga ko‘ra, Oq uy rahbari avvalroq jazoni qisqartirish bo‘yicha 122 ta farmon chiqargan va 21 kishiga amnistiya qo‘llagan.
Ronaldu "Real"ga qaytishi mumkin
Rossiyaning puxta ishlangan maxfiy rejasi oshkor bo‘ldi
Nemislar ko‘p narsalarni to‘g‘ri qilgan
