«Barselona» Messiga hali ham maosh to‘lamoqda

«Barselona»ning sobiq hujumchisi Lionel Messi Kataloniya klubidan maosh olishda davom etmoqda. Bu haqda "Mundo Deportivo" xabar bermoqda.

Manbaga ko‘ra, Messidan tashqari «Barselona» hamon Jordi Alba va Serxio Busketsga ham maosh to‘lamoqda. Qayd etilishicha, «ko‘k-anorranglilar» rahbariyati joriy mavsum yakuniga qadar futbolchilar oldidagi barcha qarzlarni to‘lab beradi.

Eslatib o‘tamiz, har uchala futbolchi ham hozirda Amerikaning «Inter Mayami» jamoasida to‘p tepadi.