Barselona meri: "Iltimos, bolalarni tashqariga chiqaring"

COVID-19 tarqalishining oldini olish bo‘yicha qat’iy choralar ostida ispan bolalari 14 martdan beri uyda saqlanmoqda.

Endi mamlakat bosh vaziri Pedro Sanches bolalar "toza havo olishlari" uchun qoidalarni yumshatishni maqsad qilgan. Barselona meri Ada Kolau ham hukumatdan bolalarni tashqariga chiqarishni iltimos qildi.

Ma’lumot uchun, pandemiya boshlanganidan buyon Ispaniyada 20 mingdan ortiq o‘lim kuzatilgan va deyarli 200 ming holat qayd etilgan.

Shanba kuni kechqurun televizion brifingda Pedro Sanches Ispaniya eng ashaddiy lahzalarni boshidan o‘tkazganini va pandemiyaning shafqatsiz hujumiga uchraganini ta’kidladi.

Sevara Sa’dullayeva, O‘zJOKU talabasi