"Barselona" klubi prezidenti Joan Laporta "Kamp Nou" stadioni yangi ko‘rinishga kelganidan keyin unda sobiq hujumchi Lionel Messi sharafiga o‘yin tashkil etishga tayyorligini ma’lum qildi, deb xabar berdi Championat.com.
7 noyabr kuni "Barsa" futbolchilari yangilangan stadionda ochiq mashg‘ulot o‘tkazishdi.
— Yangilangan "Kamp Nou"ning ochilish o‘yinida Messini sharaflash ajoyib ish bo‘lardi. Tribunalar to‘lib ketardi. Leo sharafiga o‘yin tashkil qilish men uchun katta xursandchilik bo‘ladi, — dedi Laporta, jurnalist Fabrisio Romanoning X ijtimoiy tarmog‘idagi sahifasida keltirilgan so‘zlariga ko‘ra.
"Barselona"ning bosh maydoni 2023 yildan beri rekonstruksiya jarayonida edi. "Marca" nashrining ma’lum qilishicha, ochiq mashg‘ulotni 21 795 nafar muxlis tomosha qilgan.
«Real» yoki «Barselona»: Xoland tanlov qildi
Ronaldu Runining «Messi undan yaxshi» degan so‘zlariga javob berdi
Lamin Yamal nima uchun sevgilisi bilan ajrashgani ma’lum bo‘ldi
