Kataloniyaning “Barselona” klubi Ispaniya chempionatining 6-turi doirasidagi o‘yinda aql bovar qilmaydigan kambekni amalga oshirdi – 80-daqiqada ham “Selta”ga 0:2 hisobida imkoniyatni boy berayotgan kataloniyaliklar o‘yin yakuniga qadar 3 ta gol urib, g‘alaba qozonishdi.
Bunday voqea Ispaniya chempionatida juda uzoq vaqtdan beri sodir bo‘lmagan - to‘g‘rirog‘i, 2001 yilning noyabr oyidan beri. O‘shanda "Atletik Bilbao" ham "Selta"ga qarshi o‘yinda ham 0:2 ni so‘nggi 10 daqiqalikda 3:2 ga o‘zgartirgandi.
La Liganing navbatdagi turida kataloniyalik "Barselona" "Malyorka" bilan to‘qnashadi. Bahs 26 sentyabr tunda bo‘ladi.
