Bankomat pul bermasa, bank operasiyani «muvaffaqiyatli» deb qayd etgani yetarli emas

Markaziy bank bankomatdan pul yechilgani, ammo mijozga naqd mablag‘ berilmagan holatlar bo‘yicha banklarga talablarni eslatdi.

Regulyator ta’kidlashicha, tizimda operasiyaning «muvaffaqiyatli» deb qayd etilishi pul haqiqatda berilganini isbotlamaydi.

Agar bankomatdagi nosozlik sababli operasiya bajarilmagani aniqlansa, mijozning buzilgan mulkiy huquqlari tiklanishi shart.

Banklar bunday murojaatlarni xolisona o‘rganishi, qoidabuzarliklar aniqlansa, javobgarlik choralari qo‘llanilishi mumkin.