Bali hukumati Xitoy kompaniyasi tomonidan mashhur Kelingking (T-Rex) qoyasi yoqasida qurilayotgan 182 metrlik shisha lift loyihasini vaqtincha to‘xtatdi. Loyiha atrof-muhitga zarar yetkazishi va tabiiy go‘zallikni buzishi haqidagi noroziliklardan keyin ushbu qaror qabul qilindi.
Xitoyning China Kaishi Group kompaniyasi qurishni boshlagan lift sayyohlar uchun pastdagi plyajga tushishni osonlashtirishi kerak edi. Biroq joy aholisi va sayyohlar bu qurilish Balining tabiiy manzarasini yo‘qotishini, shuningdek, yer sirpanishi xavfini kuchaytirishini ta’kidlashdi.
“Kelingking plyaji o‘zining tabiiy ko‘rinishi bilan jozibali. Bu kabi sun’iy loyihalar uning ruhini o‘ldiradi”, — dedi mahalliy faol Made Sediana.
Rahbarlar loyiha hali kerakli ruxsatnomalarni olmaganini ma’lum qildi. Bali senatori Nilux Djelantik esa qurilishni “tabiiy go‘zallikka qarshi xatolik” deb atadi.
Ma’lumotlarga ko‘ra, loyiha qiymati 12 million dollarga teng. Hozirda plyajga tushish uchun tik yo‘l bo‘ylab 45 daqiqadan bir soatgacha vaqt kerak bo‘ladi.
Ko‘plab foydalanuvchilar hukumatni “bexuda qurilish” o‘rniga mavjud yo‘l va zinapoyalarni ta’mirlashga chaqirishmoqda.
O‘zbekistonda 4 kishilik oilaning yashashi uchun qancha mablag‘ kerakligi hisoblab chiqildi
Muhojirlar orasida birinchi: Ukrainaga qarshi urushda Rossiya armiyasi safida jang qilayotgan o‘zbeklar soni ma’lum bo‘ldi
"Moskva yer yuzidan “supurib tashlanadi”
