Bahrayn qiroli G‘azoda davlat xizmatlarini raqamlashtirishni taklif qildi

Bahrayn G‘azo sektori uchun raqamli davlat xizmatlari platformasini yaratish uchun zarur infratuzilma va mutaxassislarni taqdim eta oladi.

Bu haqda Bahrayn qiroli Shayx Hamad bin Iso Al Xalifa ma’lum qilgan.

“Bugun biz G‘azo uchun samarali raqamli davlat xizmatlari platformasini yaratish uchun zarur infratuzilma va tajribani taqdim etishga tayyorligimizni e’lon qilamiz”, dedi monarx Tinchlik kengashining birinchi yig‘ilishida so‘zga chiqib.

22 yanvar kuni Davosda bo‘lib o‘tgan Jahon iqtisodiy forumi doirasida 19 mamlakat vakillari G‘azo sektoridagi tinchlik jarayonining bir qismi sifatida tashkil etilgan Tinchlik kengashi Nizomini imzoladilar. Vashington tashkilotga boshqa davlatlar ham qo‘shilganini e’lon qildi. Tinchlik kengashi Isroil va Falastinning radikal Hamas harakati o‘rtasidagi G‘azoni boshqarish to‘g‘risidagi kelishuvga muvofiq tashkil etilgan, ammo u boshqa mintaqalardagi mojarolarning oldini olish va hal qilish ustida ham ishlashi kutilmoqda.