BAA banklari Rossiya kompaniyalari hisob raqamlarini ommaviy bloklay boshladi

RBK nashrining yuridik va konsalting kompaniyalariga tayanib yozishicha, so‘nggi oylarda BAAda Rossiyadan kelgan firmalarga nisbatan “tozalash” jarayoni boshlangan. Mamlakatdagi rossiyalik kompaniyalar soni 4000 tadan oshgan va to‘lovlar ustidan nazorat kuchaytirilgan.

Agentlik suhbatdoshlarining so‘zlariga ko‘ra, BAAda faoliyat yuritayotgan Rossiya kompaniyalarining 20 foizdan 30 foizgacha bo‘lgan qismi tekshiruvlar, operasiyalarga cheklovlar yoki hisoblarning to‘g‘ridan-to‘g‘ri yopilishi bilan yuzma-yuz kelgan.