Kecha ayollar futboli bo‘yicha Parij Olimpiadasi yakuniy saralash bosqichidan o‘rin olgan O‘zbekiston — Avstraliya o‘yini oldidan jamoalar rasmiylari ishtirokida uchrashuv bo‘lib o‘tdi.
Osiyo futbol konfederasiyasi vakillari va tashkiliy qo‘mita a’zolari qatnashgan uchrashuvda mutaxassislar jamoalarga ayrim masalalar yuzasidan tushuntirish va ko‘rsatmalar berib o‘tishdi.
Yaponiyalik murabbiy Midori Xonda boshchiligidagi O‘zbekiston terma jamoasi a’zolari Avstraliyaga qarshi kechadigan o‘yinda ko‘k rangli libosda harakatlanadi.
Avstraliya esa havorang libosda maydonga tushadi. O‘yin bugun soat 14:00 da boshlanadi.
Eslatib o‘tamiz, mazkur “duelning” javob o‘yini 28 fevral kuni Avstraliyaning Melburn shahrida tashkil etiladi.
