Daniya hukumati AQShning saylangan prezidenti Donald Tramp jamoasiga Grenlandiya xavfsizligi masalalarini orolni AQSh tarkibiga kiritmasdan hal qilish mumkinligiga ishontirish maqsadida shaxsiy xabarlar yo‘lladi. Bu haqda Axios portali ma’lum qildi.
Uning manbalariga ko‘ra, Daniya hukumati Tramp vakillariga "Grenlandiyada xavfsizlikni kuchaytirish yoki AQShning orolda harbiy ishtirokini oshirishni muhokama qilishga tayyorligini ifoda etgan" bir qator xabarlar yuborgan. Nashrda ta’kidlanishicha, Daniya hukumati Trampni, jumladan, shu hafta uning maslahatchilariga xabarlar yo‘llash orqali, uning xavfsizlik borasidagi tashvishlarini AQShning Grenlandiyaga bo‘lgan da’vosisiz bartaraf etish mumkinligiga ishontirishga harakat qilmoqda.
Maqolada Yevropa davlatlaridan birining diplomati fikri keltirilgan. Uning aytishicha, Daniya "AQShning Yevropa Ittifoqidagi eng yaqin ittifoqchilaridan biri" hisoblanadi. Diplomat so‘zlariga ko‘ra, "Tramp bilan janjal boshlagan birinchi davlat aynan Daniya bo‘lishini hech kim tasavvur ham qila olmasdi."
Rossiyada o‘lganlar soni rekordmi?
Alisher Qodirov Qonunga qarshi ovoz bergan hamkasblariga murojaat qildi: “Iste’molchining 3 tadan 2 tasi yoshlar. Yarmi qizlar”
Marca nashrida Abduqodir Husanov haqida maqola chop etildi
