Bu haqda Reuters ma’lum qildi.
"Suriyaning o‘tish davri hukumati prezidenti Ahmad ash-Sharaa Rossiya prezidenti Vladimir Putin bilan Moskvada o‘tkazgan uchrashuvida Suriya va Rossiya o‘rtasidagi avvalgi barcha kelishuvlarga rioya qilishga va’da bergan. Bu Moskvaning Suriyadagi Hmeymim aviabazasi va Tartus dengiz bazasini saqlab qolishini anglatadi", deya yozmoqda agentlik manbalariga tayanib.
O‘z navbatida, Suriyaning yangi hukumati Rossiya tomonidan Bashar Asadga sodiq kuchlarning qolgan qismini qayta qurollantirilmasligiga kafolat olishga intilmoqda.
Shuningdek, ash-Sharaa Rossiya Suriya armiyasini modernizasiya qilish jarayonida ko‘mak berishiga umid qilmoqda.
