"Arsenal"ning sobiq bosh murabbiyi Arsen Venger FIFA prezidenti lavozimi uchun kurashda Djanni Infantinoning raqibiga aylanishi mumkin, deb xabar beradi The Times.
Hozirgi vaqtda faqat Xalqaro futbol federasiyasining amaldagi rahbari kelasi yilning 18 mart kuni bo‘lib o‘tadigan saylovlarda qatnashish uchun o‘z nomzodini ilgari surgan.
Xabar qilinishicha, Infantinoning raqiblari muddat tugagunga qadar (18 noyabr) shveysariyalikning jiddiy opponenti paydo bo‘lishiga hamon umid qilishmoqda. Ulardan ba’zilari Arsen Vengerni o‘z nomzodini qo‘yishga ko‘ndirishga umid qilmoqda. Ayni paytda Venger FIFAning futbolni global rivojlantirish bo‘limi rahbari lavozimida ishlamoqda.
Shuningdek, 2016 yilda Infantinoning raqibi bo‘lgan Iordaniya shahzodasi Ali bin Al-Xusseyn ham saylovlarda yana ishtirok etishi istisno qilinmaydi.
Qayd etilishicha, FIFA prezidenti lavozimiga potensial nomzodlardan biri deb hisoblangan KONKAKAF prezidenti Viktor Montalyani saylovlarda qatnashishni rejalashtirmayapti.
"Oltin to‘p" uchun favorit o‘zgardi
Ikki futbolchi zo‘rlash ishida qo‘lga olindi
Jizzaxda erkak 10 yoshli bolani zo‘rlab, so‘ng o‘z joniga qasd qildi
