Armanlar Rossiya bayroqlaridan qutulishdi

Armanistonlik jurnalist Tatul Akopyan Eron bilan chegarada Rossiya harbiylarining xizmat joylaridan Rossiya bayroqlari olib tashlanganini ma’lum qildi.

"Agarakka boradigan yo‘lda, shuningdek Araks daryosi qirg‘og‘i bo‘ylab Shvanidzorgacha bo‘lgan yo‘lda birorta ham Rossiya bayrog‘i yo‘q. Bundan taxminan bir yarim oy oldin bu yerda bo‘lganimda rus trikolorlarini ko‘rgan edim. Mening tushunishimcha, Rossiya bayroqlari Armaniston-Eron chegara postlaridan olib tashlanib, faqat Armaniston bayroqlari qoldirilgan.

Shvanidzordan Yerevanga boradigan yo‘lga burilib, Nrnadzorgacha yo‘lni davom ettirmaganim sababli, boshqa qo‘shma Armaniston-Rossiya postlaridan Rossiya bayroqlari olib tashlangani yoki yo‘qligini ayta olmayman," - deb yozdi Akopyan.