Armaniston Xavfsizlik kengashi kotibi Armen Grigoryan Ukraina bo‘yicha konferensiyada ishtirok etish uchun Shveysariyaga tashrif buyuradi.
Bu haqda Armaniston xavfsizlik kengashi matbuot xizmatiga tayanib, “TASS” xabar bermoqda.
“15 iyun kuni Armaniston Xavfsizlik kengashi kotibi Armen Grigoryan Shveysariya Konfederasiyasining Nidvalden kantoniga ishchi tashrif bilan boradi va u yerda “Ukraina tinchlik rezolyusiyasi” sammitida ishtirok etadi”, — deyiladi matbuot xizmati xabarida.
