Armaniston prokuraturasi Qurolli kuchlar Bosh shtabi sobiq boshlig‘idan 11 million dollar undirmoqchi

Armaniston Bosh prokuraturasi suddan Qurolli kuchlar Bosh shtabi sobiq boshlig‘i Movses Akopyan va Qurolli kuchlar raketa qo‘shinlari va artilleriya boshqarmasi sobiq boshlig‘i Armen Arutyunyandan 4,5 milliard dram (taxminan 11 million dollar) undirishni talab qilmoqda.

Bu haqda Armaniston OAVlari xabar bermoqda.

Nazorat qiluvchi organ ushbu mablag‘larning kelib chiqishini noqonuniy deb hisoblaydi.

Bundan 9 yil oldin, Akopyan Bosh shtabga rahbarlik qilgan paytda amalga oshirilgan, Rossiyadan 4,3 milliard dramlik yaroqsiz harbiy texnika sotib olish bo‘yicha ish ham sudga yuborilgan.

Avvalroq ayrim ommaviy axborot vositalari Arutyunyan bu ish bo‘yicha oqlangani, Akopyanga yangi ayblovlar qo‘yilgani haqida yozgan edi.