Rossiya Federasiyasining Kursk viloyatidagi Oleshnya qishlog‘i chekkalarida "shiddatli janglar" davom etmoqda. Bu haqda TASS agentligiga Rossiya xavfsizlik kuchlari xabar berdi.
"Oleshnya qishlog‘i chekkalarida shiddatli janglar ketmoqda. Raqib zirhli texnikadan faol foydalanmoqda," - deya ta’kidladi agentlik manbasi.
Uning so‘zlariga ko‘ra, hujum guruhlari "dushmanni aholi punktidan siqib chiqarmoqda," dron operatorlari va artilleriyachilar ukrainaliklarning jangovar texnikalarini yo‘q qilmoqda.
4 aprel, juma kuni Ukraina prezidenti Volodimir Zelenskiy Rossiya Ukraina qo‘shinlarini Kursk viloyati hududidan siqib chiqarmoqchi ekanini aytdi: "Ular bizni Kursk viloyatidan butunlay siqib chiqarmoqchi, ammo hamma biz u yerda ekanligimizni yana bir bor tushunib, tasdiqlamoqda. Hech qanday qurshov yo‘q, biz Kursk viloyatidamiz. Va nafaqat Kursk viloyatida, boshqa joylarda ham bizning ishtirokimiz bor."
Zelenskiyning fikricha, Kursk operasiyasi Ukraina uchun muhim ahamiyatga ega, chunki u Ukraina frontidagi boshqa yo‘nalishlardan rus harbiylarining bir qismini o‘ziga jalb qilishga imkon berdi.
"Ular g‘alabali qadamlarni ko‘rsatishni istaydilar, biroq hozircha biz u yerda turibmiz va ko‘p sonli harbiylarni band qilib turibmiz. Kursk yo‘nalishida 64 ming nafar rus askari joylashgan. Bu boshqa yo‘nalishlarda bo‘lishi mumkin bo‘lgan juda katta kuch," - dedi Ukraina prezidenti.
Quvayt endi Eronga oshkora va’da berdi
Chernobil hayvonlarida kutilmagan superqobiliyatlar aniqlandi
Endilikda 11,25 mln so‘mdan yuqori pul o‘tkazmalari qat’iy nazoratda bo‘ladi
