Argentina prezidenti mamlakatda pul kelib chiqishini tekshirishni to‘xtatmoqchi

Argentina hukumati pulning kelib chiqishini tekshirishni bekor qilish uchun normativ-huquqiy baza ustida ishlamoqda.

Mahalliy A24 telekanaliga tayanib, bu haqda mamlakat prezidenti Xavyer Miley ma’lum qildi.

"Menimcha, bu shubhali tranzaksiya bildirishnomalari dahshatli tush. Siz dollarlarni xavotirsiz ishlatishingiz mumkin va hech kim sizdan hech qanday tushuntirish so‘ramasligi kerak", - dedi u.

Uning fikricha, hukumat tomonidan ishlab chiqilayotgan chora-tadbirlar “iqtisodiyotga mablag‘lar kiritilishini” ta’minlashi kerak, bu esa o‘sish sur’atlarini sezilarli darajada tezlashtirishi mumkin. “Argentina yalpi ichki mahsuloti 600 milliard dollarni tashkil qiladi, argentinaliklarning esa matraslari ostida 200 milliarddan 400 milliard dollargacha, ya’ni YAIMning 33 foizdan 66 foizigacha bo‘lgan mablag‘i bor”, - deydi davlat rahbari.

Xavyer Mileyning so‘zlariga ko‘ra, davlat soliq to‘lashdan bo‘yin tovlash uchun pullarini yashirganlarni jazolamasligi kerak, chunki “odamlar o‘zini o‘g‘ri siyosatchilardan himoya qilishga uringan”. “Ular jinoyatchilar emas, qahramonlar”, deb qo‘shimcha qildi prezident. Noqonuniy ravishda olingan pullar haqidagi savolga Miley "iqtisoddan jinoyatchilikka qarshi kurashda foydalanmaslik kerak" deb javob berdi. “Xavfsizlik va mudofaa vazirliklari giyohvand moddalar savdosiga qarshi kurashishi kerak.

Xavyer Mileyning xabar berishicha, soliq agentligi, Iqtisodiyot vazirligi va mamlakat Markaziy banki hozirda deklarasiya qilinmagan pullardan foydalanishga ruxsat beruvchi normativ-huquqiy bazani ishlab chiqish ustida ishlamoqda.