AQShning BMTdagi doimiy vakili Eron bilan muzokaralar davom etayotganini e’lon qildi

Qo‘shma Shtatlar va Eron texnik darajadagi muzokaralarni davom ettirmoqda.

Bu haqda AQShning BMTdagi doimiy vakili Mayk Uolts ma’lum qildi.

Uning so‘zlariga ko‘ra, tomonlar xalqaro inspektorlarning kirish imkoniyati, uranni boyitish darajasini pasaytirish va Eronning yadroviy qurolga ega bo‘lishining oldini olishga qaratilgan boshqa jihatlar bilan bog‘liq masalalarni muhokama qilishda davom etmoqdalar.

Uolts shuningdek, AQSh prezidenti Donald Tramp har doim diplomatiyaga imkoniyat berishga tayyor ekanligini, ammo uning sabr-toqati "cheksiz bo‘lmasligini" va Vashington Tehronga ta’sir o‘tkazishning "barcha variantlarini" ko‘rib chiqishda davom etishini ta’kidladi.