AQShdan deportasiya qilinayotgan o‘zbekistonliklar Nyu-York–Toshkent yo‘nalishi orqali vatanga qaytariladi

AQShdan deportasiya qilinayotgan o‘zbekistonliklar Nyu-York–Toshkent yo‘nalishi orqali vatanga qaytariladi.

Bu haqda TIV matbuot kotibi Ahror Burhonov ma’lum qildi.

Uning “Dunyo” axborot agentligiga ma’lum qilishicha, O‘zbekistonning Vashingtondagi elchixonasi va Nyu-Yorkdagi Bosh konsulxonasi fuqarolarning xavfsiz deportasiyasini ta’minlash uchun AQSh huquq-tartibot idoralari bilan hamkorlik qilib kelmoqda.

“Kelishuvga muvofiq, AQSh deportasiya qilinadigan fuqarolar haqida zudlik bilan xabar beradi. Ular Nyu-York–Toshkent yo‘nalishi orqali vatanga qaytadi”, — deydi Ahror Burhonov.