AQShning Oregon shtatidagi Bend shahrida joylashgan Silver Rail boshlang‘ich maktabida otishma sodir bo‘ldi. Oqibatda besh, sakkiz va 11 yoshli uch nafar bola hamda maktabning 54 yoshli xodimi halok bo‘ldi. Yana yetti yoshli bola va bir nafar o‘qituvchi hayot uchun xavfli darajada og‘ir jarohat oldi.
Politsiya ma’lumotiga ko‘ra, gumonlanuvchi 16 yoshda bo‘lgan. U dastlab maktab yaqinidagi avtomobilga qarata o‘q uzgan, so‘ng bino ichiga kirib, otishmani davom ettirgan. Favqulodda xizmatlarga birinchi qo‘ng‘iroqlar 15 oktyabr, payshanba kuni mahalliy vaqt bilan soat 13:00 atrofida kelib tushgan.
Hujum qilgan o‘smirning o‘zi ham halok bo‘lgan. Dastlabki ma’lumotlarga ko‘ra, uning ortidan bino ichiga kirgan guvohlardan biri gumonlanuvchini otib o‘ldirgan. Polisiya xodimlari voqea joyiga yetib kelganida, hujumchi allaqachon zararsizlantirilgan edi.
Hozircha hujum sabablari noma’lum. Tergovchilar o‘smirning ushbu maktabga aloqasi bo‘lgan yoki bo‘lmaganini ham aniqlamoqda. Hodisa sababli mahalliy maktab okrugidagi barcha ta’lim muassasalarida juma kungi darslar bekor qilindi.
AQSh Rossiya neftni qayta ishlash zavodlariga qilingan zarbalar tufayli Ukrainaga qurol yetkazib berishni to‘xtatish bilan tahdid qilmoqda
Ronalduning sevgilisi Messining oilasiga uchta so‘z bilan murojaat qildi
O‘zbekistonda uch qizdan keyin oila to‘rt nafar o‘g‘il farzand kutayotgani ma’lum bo‘ldi
