AQShda kuchli tornado falokati: daraxtlar qo‘porildi, binolar quladi, halok bo‘lganlar bor

Missuri shtatining Sent-Luis shahrida sodir bo‘lgan tornado oqibatida to‘rt kishi halok bo‘ldi.

Bu haqda The New York Post nashri xabar berdi.

Nashrning qayd etishicha, noqulay ob-havo shaharga katta zarar yetkazgan, qulagan daraxtlar elektr uzatish liniyalariga zarar yetkazgan.

"Tornado bir nechta shtatlarni qamrab olgan va O‘rta G‘arb orqali ko‘chib o‘tgan, yirik do‘l, vayronkor shamollar va tornadolarni, shu jumladan bir nechta juda kuchli tornadolarni keltirib chiqargan keng ko‘lamli tabiiy ofatning bir qismiga aylandi," - deyiladi materialda.

Rasmiylarga ko‘ra, tornado o‘zidan keyin ildizi bilan qo‘porilgan daraxtlar, shikastlangan elektr uzatish liniyalari va qulagan binolar ko‘rinishida ulkan iz qoldirgan.

Sent-Luis yong‘in xavfsizligi komissari Dennis Jenkersonning so‘zlariga ko‘ra, noqulay ob-havo shaharning taxminan 20 kvadrat gektariga zarar yetkazgan. Rasmiylar aholini yo‘llardan va zarar ko‘rgan hududlardan uzoqroqda bo‘lishga chaqirmoqda, shaharda soat 6:00 gacha komendantlik soati e’lon qilindi.