7 iyun kuni AQShning Los-Anjeles shahridagi Kompton kolleji yaqinida yuz bergan otishma natijasida bir kishi halok bo‘ldi, kamida to‘rt kishi yaralandi.
Bu haqda mahalliy sherif departamenti ma’lum qilgan.
Huquq-tartibot idoralari vakillariga ko‘ra, voqeaning kollejga aloqasi yo‘q. Qayd etilishicha, otishma davomida besh kishi jarohat olgan, biroq ulardan biri shifoxonaga olib ketilayotganda halok bo‘lgan.
Hodisa sabablari va jinoyatchining shaxsi hozircha aniqlanmagan.
