Ukraina prezidentining ma’lum qilishicha, Kiyev va Vashington Moskva bilan tinchlik kelishuvi hamda xavfsizlik kafolatlari bo‘yicha bitimlar asosini tashkil etishi lozim bo‘lgan hujjatlar ustida ishlashni davom ettirmoqda.
Zelenskiyning so‘zlariga ko‘ra, asosiy hujjat xavfsizlik kafolatlari to‘g‘risidagi bitim bo‘ladi. Unga kafil mamlakatlar tomonidan Ukraina Qurolli kuchlarini qo‘llab-quvvatlash bo‘yicha tafsilotlar va majburiyatlarni o‘z ichiga olgan yopiq ilova kiritiladi.
Shuningdek, Zelenskiy urushdan keyin Ukrainani tiklash bo‘yicha kelishuv ustida ham ishlar davom etayotganini aytdi.
U o‘zining Telegram kanalida Ukraina tomoni AQSh va Yevropadan olishni kutayotgan xavfsizlik kafolatlarining bir qismini e’lon qildi. Ular qatorida: 800 ming kishilik Ukraina Qurolli kuchlarini moddiy tomondan ta’minlash, Yevropa Ittifoqiga a’zolik, havo, dengiz va quruqlikdagi xavfsizlikni ta’minlash, shuningdek, energetika, moliya va boshpanalar masalalarida “ko‘ngillilar koalisiyasi” tomonidan qo‘llab-quvvatlash bor.
Ukraina prezidentining ta’kidlashicha, Vashingtonning kafolatlari Yevropanikidan alohida rasmiylashtiriladi, u yuridik jihatdan majburiy kuchga ega bo‘lishi uchun AQSh Kongressi tomonidan tasdiqlanishi kerak.
Rossiyaning “taslim bo‘lish” taklifi haqida ma’lum qilindi
Abduqodir Husanov «Real»da o‘ynashga yaqin turibdi
Rossiya darhol harbiy harakatlarni to‘xtatishga tayyor,
