Qo‘shma Shtatlar Ukraina prezidenti Vladimir Zelenskiyga Rossiya-Ukraina urushini tugatish uchun Vashington tomonidan ishlab chiqilgan ramka rejasini qabul qilishni taklif qiladi.
Reuters manbalarga tayanib, ushbu reja tafsilotlarini oshkor qildi.
Ularning so‘zlariga ko‘ra, hujjat loyihasida, jumladan, Kiyevga ayrim hududlar va ayrim turdagi qurollarni berish, shuningdek, Ukraina qurolli kuchlari sonini qisqartirish ko‘zda tutilgan.
Vashington Kiyevdan ushbu rejaning asosiy bandlarini qabul qilishini istaydi, deydi manbalar.
Avvalroq Politico Oq uyning yuqori martabali mulozimiga tayanib, shu haftaning boshida kutilayotgan Rossiya-Ukraina urushini tugatish bo‘yicha ramka kelishuvi bo‘yicha ehtimoliy kelishuv haqida xabar bergan edi. Ayni paytda Axios Rossiya va AQSh 28 banddan iborat yangi tinchlik rejasi ustida yashirincha ish olib borayotgani haqida xabar berdi.
Nashrning yozishicha, rejani AQSh prezidentining elchisi Stiv Uitkoff ishlab chiqmoqda, u Rossiya prezidentining xorijiy davlatlar bilan sarmoya va iqtisodiy hamkorlik bo‘yicha maxsus vakili, Rossiya to‘g‘ridan-to‘g‘ri investisiyalar jamg‘armasi rahbari Kirill Dmitriyev bilan konsepsiyani muhokama qilgan.
Rossiya prezidenti matbuot kotibi Dmitriy Peskov ushbu nashrlarni sharhlar ekan, Rossiya prezidenti Vladimir Putin va AQSh prezidenti Donald Trampning Alyaskadagi sammitidan keyin hech qanday “yangilik” bo‘lmaganini ma’lum qildi.
Zelenskiy "tarixiy kelishuv"ni e’lon qildi
Sibirdan Orol dengiziga suv yo‘naltirilishi mumkin
«Bu jamoa bilan yo‘lim tugadi» - Islombek Ismoilov O‘zbekiston U-17 terma jamoasidan ketganini e’lon qildi
