Qashqadaryo viloyati Ko‘kdala tumanida 14 noyabr kuni jamoat joyida sinfdosh ayolga nisbatan mayda bezorilik sodir etgan erkak ma’muriy tartibda jazolandi.
Ma’lum bo‘lishicha, 1995-yilda tug‘ilgan B.B. o‘sha kuni tasodifan Xorazm viloyatiga turmushga chiqqan sinfdoshi G.M.ni yo‘lda uchratib qolgan. U ayolga “ota uyingizga olib borib qo‘yaman” deb taklif berib, o‘zining avtomobiliga o‘tqazib olgan.
Biroq yo‘lda ketishayotib, B.B. avtomashinani mahalla hududidan o‘tadigan yo‘l chetiga to‘xtatgan va G.M.ning qo‘lidan ushlab, unga bo‘lgan his-tuyg‘ularini aytgan. Shu bilan birga, u sinfdoshini o‘pishga harakat qilgani ma’lum qilindi.
Dastlab surishtiruv organi B.B.ning qilmishini Ma’muriy javobgarlik to‘g‘risidagi kodeksning 41-1-moddasi — shahvoniy shilqimlik sifatida baholagan. Biroq sud hujjatlarni tahlil qilib, holatni “mayda bezorilik” deb qayta kvalifikasiya qildi. Natijada u 183-modda asosida aybdor deb topilib, 14 sutka ma’muriy qamoq jazosiga hukm qilindi.
Hujjatlarda ta’kidlanishicha, qamoqqa olish haqidagi qaror qonuniy kuchga kirgan.
Sibirdan Orol dengiziga suv yo‘naltirilishi mumkin
«Bu jamoa bilan yo‘lim tugadi» - Islombek Ismoilov O‘zbekiston U-17 terma jamoasidan ketganini e’lon qildi
"Evropaga Ukrainani qo‘llab-quvvatlash Rossiyaning g‘alaba qozonishiga yo‘l qo‘yishdan ko‘ra ancha arzon va foydali"
