AQSh Tayvanning TSMC kompaniyasidan Xitoyga sun’iy intellekt sohasida qo‘llaniladigan chiplarni yetkazib berishni to‘xtatishni rasman talab qildi — Reuters.
Mazkur talab Xitoyning Huawei kompaniyasining sun’iy intellekt uchun mo‘ljallangan prosessorida TSMC chipi topilganidan keyin paydo bo‘ldi. Bu haqda Tayvan kompaniyasi vakillarining o‘zlari AQSh Savdo vazirligini xabardor qilgan. Huawei kompaniyasi hozirda Amerika sanksiyalari ostida.
TSMC zamonaviy chiplar ishlab chiqarish bo‘yicha dunyoning yetakchi kompaniyalaridan biri hisoblanadi.
