Bugun 6 may, 2024 yil, dushanba

КИР

AQSh Shavkat Mirziyoyevni olqishladi

AQSh Shavkat Mirziyoyevni olqishladi

AQSh Davlat kotibining Janubiy va Markaziy Osiyo masalalari bo‘yicha yordamchisi vazifasini bajaruvchi Elis Uells Toshkentda bo‘lib o‘tgan Markaziy Osiyo davlatlari rahbarlarining Maslahat uchrashuvini olqishladi.
“Yaqinda Toshkentdagi uchrashuvda Markaziy Osiyoning besh mamlakati rahbarlari tomonidan liderlik va uzoqqa mo‘ljallangan qarashlar namoyish etilganini ko‘rishdan mamnunmiz. Mintaqaviy hamkorlik Markaziy Osiyoning barqarorligi va farovonligi uchun juda muhimdir. Prezident Mirziyoyev ushbu tadbirga mezbonlik qilgani uchun tashakkur”, degan amerikalik diplomat ijtimoiy tarmoqdagi sahifasida.
O‘z navbatida, AQShning O‘zbekistondagi elchisi Deniyel Rozenblyum ham Elis Uellsning fikrlariga qo‘shilgan. U mintaqa davlatlari o‘zaro juda yaxshi kelisha olishini ta’kidlagan.
“S5+1 (+AQSH, +Evropa Ittifoqi, +Yaponiya, +Janubiy Koreya, +Hindiston va hokazo) yaxshi. Lekin S5 har qanaqa plyussiz (yoki minussiz) undan ham yaxshi(Qudratli davlatlarsiz ham)! O‘zbekistonga mintaqaviy hamkorlik yo‘lidagi yetakchilik qilayotgani uchun sharaflar bo‘lsin”, deb yozadi elchi.
Eslatib o‘tamiz, Markaziy Osiyo davlatlari rahbarlarining ikkinchi Maslahat uchrashuvi joriy yilning 29 noyabr kuni Toshkent shahrida o‘tkazildi.

 

Kiritildi: 13:08 05.12.2019. O'qildi: 2858 marta. Fikrlar soni: 0 ta.
telegram channel

Bo'limga tegishli qiziqarli xabarlar

Eng ko'p o'qilgan yangilik

Fikr bildirish uchun qaydnomadan o'tishingiz so'raladi va telefon rakamni tasdiklash kerak buladi!