Amerikaning Bombardier ARTEMIS II razvedka samolyoti Qora dengiz akvatoriyasi uzra kuzatuv parvozini amalga oshirib, havoga ko‘tarilganidan qariyb sakkiz soat o‘tib missiyasini yakunladi.
Bu haqda RIA Novosti agentligi parvozlarni kuzatish ma’lumotlariga tayanib xabar bermoqda.
Manbaga ko‘ra, samolyot 13 oktyabr kuni Toshkent vaqti bilan soat 10:45 da Ruminiyadagi Mixail Kogelnichanu nomidagi harbiy aviabazadan havoga ko‘tarilgan.
Shundan so‘ng AQSh razvedka samolyoti Qora dengiz uzra razvedka va kuzatuv ishlarini olib borgan.
Parvoz ma’lumotlariga ko‘ra, Bombardier ARTEMIS II Toshkent vaqti bilan taxminan soat 18:40 da Ruminiyaning Konstansa shahridagi aeroportga qaytib qo‘ngan.
Shu tariqa, samolyotning parvozi qariyb 7 soat 55 daqiqa davom etgan.
Hozircha razvedka missiyasining aniq vazifalari va kuzatuv natijalari haqida qo‘shimcha ma’lumot berilmagan.
MrBeast: “O‘zbekistonda muxlislarim shu qadar ko‘pki, balki ketishimizga to‘g‘ri kelar”
Germaniya Rossiya bilan dizel yoqilg‘isi yetkazib berish bo‘yicha kelishuv tuzishni taklif qildi
AQSh Rossiya neftni qayta ishlash zavodlariga qilingan zarbalar tufayli Ukrainaga qurol yetkazib berishni to‘xtatish bilan tahdid qilmoqda
