AQSh prezidentlik saylovi: 51 million kishi muddatidan oldin ovoz berdi

AQShda bo‘lajak prezidentlik saylovlarida 51 milliondan ortiq saylovchi ovoz berdi. Saylov kuniga bir hafta qoldi, deb xabar beradi The Hill.

Florida universitetining erta ovoz berish tizimi ma’lumotlariga ko‘ra, soat 16:00 holatiga ko‘ra, 24 milliondan ortiq pochta orqali yuborilgan saylov byulletenlari qaytarilgan va 27 millionga yaqin odam shaxsan muddatidan oldin ovoz bergan.

E’lon qilingan ma’lumotlarga ko‘ra, bu saylovchilarning 39,5 foizi ro‘yxatga olingan demokratlar, 36,1 foizi esa respublikachilardir. Shu bilan birga, saylovchilarning 41 foizini 65 yoshdan oshganlar tashkil etadi.

Nashr qayd etganidek, Tramp va respublikachilar avvalroq muddatidan oldin ovoz berishga shubha bilan qarashgan.

2020 yilgi saylovda jami 100 mingga yaqin saylovchi shaxsan yoki pochta orqali muddatidan oldin ovoz berdi.

AQSh prezidenti Jo Bayden ham prezidentlik saylovlarida muddatidan oldin ovoz berdi.