AQSh NATO mashg‘ulotlaridagi ishtirokini cheklaydi(mi)?

Shvesiyaning Expressen gazetasi manbalarga tayanib, Vashington NATOdagi hamkorlarini Yevropada bo‘lajak harbiy mashg‘ulotlarni rejalashtirishdagi ishtirokini to‘xtatayotgani haqida xabardor qildi. Ushbu qaror 2025 yilga rejalashtirilgan manevrlarga ta’sir qilmaydi, lekin uzoq muddatli dasturlarga ta’sir qiladi.

Gazetaning yozishicha, bu harakat Yevropada harbiy xarajatlarni qisqartirish va Xitoyga qarshi turish uchun uni Hind-Tinch okeani mintaqasiga yo‘naltirish bilan bog‘liq. Bu shuni anglatadiki, Yevropa davlatlari kelajakdagi mashqlarni mustaqil ravishda rejalashtirishlari yoki faqat kichik Amerika bo‘linmalariga tayanishi kerak.

Shu bilan birga, AQSh Yevropadagi harbiy ishtirokini keng miqyosda qisqartirishni ko‘rib chiqmoqda. Italiyaning ANSAagentligi ma’lumotlariga ko‘ra, Tramp Amerika kontingentining taxminan 20 foizini, ya’ni 20 ming askarni olib chiqishni rejalashtirmoqda. The Telegraph shuningdek, Germaniyadan Vengriyaga 35 ming askarning qayta joylashtirilishi mumkinligi haqida ham xabar berdi.

Amerika Qo‘shma Shtatlaridan tashqarida jami Amerika harbiy kontingenti taxminan 160 ming kishini tashkil qiladi.

Bundan tashqari, NBC News Tramp NATO nizomining alyans a’zolarini hujum sodir bo‘lgan taqdirda ittifoqchilarni himoya qilishga majburlovchi 5-moddasidan qisman voz kechish masalasini ko‘rib chiqayotgani haqida xabar berdi. Rejaga ko‘ra, Qo‘shma Shtatlar moliyaviy mudofaa bo‘yicha majburiyatlarini bajara olmagan davlatlarga xavfsizlik kafolatlarini berishni to‘xtatishi mumkin.