AQSh muzokaralar bahonasida Eronga qarshi keng ko‘lamli hujumga tayyorgarlik ko‘ryaptimi?

AQSh muzokaralar bahonasida Eronga keng ko‘lamli hujumga tayyorlanmoqda.

Bu haqda Eron parlamenti raisi Muhammad Bag‘ir G‘olibaf o‘zining ijtimoiy tarmoq sahifasida yozdi.

"Keng ko‘lamli hujum yaqinlashmoqda. Kuting — yo‘q, ular muzokara olib borishni xohlashadi. Bu takroriy teatr diplomatiyasi", dedi G‘olibaf.

Uning so‘zlariga ko‘ra, Eron AQShning tahdidlaridan qo‘rqmaydi.

"Tahdidlar, bajarilmagan va’dalar va soxta yangiliklardan bosim vositasi sifatida foydalanish muvaffaqiyatsiz strategiya", deb ta’kidladi Eron parlamenti raisi va Vashingtonni "faktlarni tan olishga va o‘z majburiyatlarini bajarishga" chaqirdi.

Eslatib o‘tamiz, Eron va Ummon o‘rtasida Hormuz bo‘g‘ozida yuk tashish bo‘yicha kelishuv imzolanishi kutilmoqda. Tehron yangi reja AQSh va Isroil bilan bog‘liq kemalarning bo‘g‘ozdan o‘tishini taqiqlashini e’lon qildi.

Reuters avvalroq Eron va Ummon tomonidan Hormuz bo‘g‘ozida yuk tashish ustidan Tehron nazoratini kuchaytirish bo‘yicha taklif qilingan reja AQSh sanksiyalari va sug‘urta cheklovlari tufayli amalga oshirish deyarli imkonsiz bo‘lib qolishi mumkinligi haqida xabar bergan edi.