AQSh Kubaga 100 million dollarlik gumanitar yordam ko‘rsatishga tayyorligini e’lon qildi

AQSh Davlat departamenti Kubaga 100 million dollarlik gumanitar yordam ko‘rsatishga tayyorligini e’lon qildi.

Bu haqda departament bayonotida mablag‘lar aholini qo‘llab-quvvatlash uchun ishlatilishi va katolik cherkovi va boshqa gumanitar tashkilotlar bilan muvofiqlashtirilgan holda taqsimlanishi ta’kidlangan.

Biroq, Kuba tashqi ishlar vaziri Bruno Rodriges Parrilla ilgari Gavana bunday yordam bo‘yicha rasmiy takliflar olmaganini aytib, Vashingtonni yolg‘on bayonotlar berishda ayblagan edi.

Davlat departamenti ma’lumotlariga ko‘ra, tashabbus mamlakat aholisiga to‘g‘ridan-to‘g‘ri gumanitar yordam ko‘rsatishga qaratilgan.