Hindistonning Reliance Industries kompaniyasi AQShdan Rossiyaning "Rosneft" kompaniyasiga qarshi kiritilgan sanksiyalarga qaramay neft sotib olishni davom ettirishga ruxsat beruvchi maxsus ruxsat oldi.
Bu haqda Reuters manbalarga tayanib xabar berdi.
Ma’lumotlarga ko‘ra, ruxsatnoma bir oy davomida amal qiladi.
Kpler ma’lumotlariga tayanib, agentlikning qayd etishicha, AQShning "Lukoyl" va "Rosneft"ga qarshi sanksiyalari kuchga kirgan 22 noyabrdan beri Reliance rossiyalik ishlab chiqaruvchidan taxminan 15 ta neft yukini olgan.
"Ushbu yetkazib berishlar avvaldan tuzilgan bitimlar bilan bog‘liq bo‘lib, ular barcha sanksiya talablariga rioya qilgan holda davom etmoqda”, deb tushuntirdi Reliance.
Kompaniyaning qo‘shimcha qilishicha, "Rosneft" bilan shartnoma bo‘yicha Hindistonga mo‘ljallangan oxirgi neft yuki 12 noyabr kuni jo‘natilgan. 20 noyabrdan keyin olingan neft Reliance kompaniyasining sutkalik 660 ming barrel quvvatga ega neftni qayta ishlash zavodlarida qayta ishlanadi.
Rossiyaning “taslim bo‘lish” taklifi haqida ma’lum qilindi
Abduqodir Husanov «Real»da o‘ynashga yaqin turibdi
Rossiya sobiq SSSRning Yevropa qismidagi hududlarini qaytadan egallashni istaydi(mi)?
