AQSh harbiy bazalari muhojirlarni vaqtincha saqlash markazlariga aylanadi

AQSh Immigrasiya va bojxona nazorati (ICE) ikki harbiy bazadan muhojirlarni vaqtincha saqlash markazlari sifatida ishlatadi. Bu haqda Bloomberg Pentagon rahbari Pit Xegsetning xatiga tayanib xabar bermoqda.

"Tramp ma’muriyati muhojirlarni Nyu-Jersi va Indianadagi harbiy bazalarda vaqtincha ushlab turadi. Mudofaa vaziri Pit Xegset Makguayr-Diks-Leykxerst va Atterberi qo‘shma bazasidan foydalanishga ruxsat beruvchi rejani imzoladi", - deyiladi agentlik bayonotida.

Xegsetning so‘zlariga ko‘ra, noqonuniy muhojirlarni joylashtirish harbiy tayyorgarlik yoki operasiyalarga salbiy ta’sir ko‘rsatmaydi.