AQSh HAMASga yolg‘on ayblov qo‘ydi

HAMAS AQShning tez yordam mashinalaridan terrorizm maqsadida foydalanish da’vosini qat’iy rad etdi.

HAMAS AQShning "Falastin guruhi terrorizm uchun tez yordam mashinalari va keng ma’noda inson qalqonlaridan foydalanmoqda" degan bayonotini keskin tanqid qildi.

Falastin Qizil Yarim Oy jamiyati prezidenti o‘tgan oyda Isroil kuchlari tomonidan G‘azoda amalga oshirilgan hujum natijasida 15 nafar gumanitar xodimning "qasddan o‘ldirilishi" bo‘yicha mustaqil xalqaro tergov o‘tkazishga chaqirdi.

Isroil G‘azoni bombardimon qilishni davom ettirmoqda. Xon Yunusdagi Nosir shifoxonasi yaqinida jurnalistlar joylashgan chodirni bombalab, kamida ikki kishini halok etdi va yana to‘qqiz kishini yaraladi.

G‘azo Sog‘liqni saqlash vazirligi ma’lumotiga ko‘ra, Isroilning G‘azoga qarshi urushida kamida 50 695 falastinlik halok bo‘lgani va 115 338 nafari yaralangani tasdiqlangan. Hukumat matbuot xizmati esa, vayronalar ostida bedarak yo‘qolgan minglab odamlar halok bo‘lgan deb taxmin qilib, umumiy qurbonlar sonini 61 700 dan ortiq kishiga yetganini ma’lum qildi.