AQSh Gerald R. Ford aviatashuvchi kemasini Yaqin Sharqqa yo‘naltiradi

AQShning Gerald R. Ford aviatashuvchisi va unga hamroh bo‘lgan kemalari Karib dengizidan Yaqin Sharqqa ko‘chiriladi.

Bu haqda The New York Times (NYT) manbalarga tayanib xabar berdi.

Manbalarga ko‘ra, kema ekipaji Fors ko‘rfazidagi Abraham Lincoln aviatashuvchisi boshchiligidagi zarba beruvchi guruhga qo‘shilishi haqida xabardor qilingan.

Gazattada eslatishicha, Gerald R. Ford o‘tgan yilning iyun oyida Virjiniya shtatining Norfolk shahridan jo‘nab ketgan va oktyabr oyida Karib dengiziga yo‘naltirilgan. Aviatashuvchi 3 yanvar kuni Karakasga qilingan hujumda ishtirok etgan va uning joylashuvi allaqachon bir marta uzaytirilgan.

Ekipaj mart oyining boshida bazaga qaytishni kutgan edi, ammo qayta joylashuv tufayli dengizchilar aprel oyining oxiri yoki may oyining boshigacha uyga qaytmasliklari mumkin, deb ta’kidlaydi gazeta. Bu kemaning zarur texnik xizmat ko‘rsatishiga to‘sqinlik qiladi, deb qo‘shimcha qiladi NYT.