AQSh G‘azo sektoridagi xalqaro tinchlikparvar kuchlarga 206 million dollardan ortiq mablag‘ ajratadi — Reuters

Agentlik manbalariga ko‘ra, 200 million dollar G‘azo sektorida joylashtiriladigan Xalqaro barqarorlashtirish kuchlari faoliyati, infratuzilmasi, asbob-uskunalari va transporti uchun yo‘naltiriladi. Yana 6 million dollar esa Albaniya va Kosovo kontingentlari uchun AQSh zirhli texnikalariga sarflanadi.

Indoneziya, Marokash va Qozog‘iston ham G‘azoga harbiylarini yuborishga rozi bo‘lgan. Biroq kontingentni sektorga joylashtirish muddatlari hozircha noma’lum.