Federal Qidiruv Byurosi (FQB) direktor o‘rinbosari Endryu Beyli bir yildan sal ko‘proq vaqt davomida egallab turgan lavozimidan iste’foga chiqishini e’lon qildi.
Beyli bu yangilikni ijtimoiy tarmoq sahifasida e’lon qildi.
"Men Prezident Donald Trampga, Bosh prokuror Todd Blanshga va FQB direktori Kesh Patelga FQBda ishlash imkoniyati uchun minnatdorchilik bildirmoqchiman. Prezident Tramp rahbarligida biz Amerika xavfsizligini ta’minlash bo‘yicha vazifamizni bajarishda tarixiy natijalarga erishdik", deb yozgan Beyli.
U o‘z yutuqlaridan faxrlanishini va Missuridagi oilasi oldiga qaytish uchun lavozimidan ketayotganini ta’kidladi.
Beyli FQB direktori Kesh Patel agentlikni isloh qilishda, zo‘ravonlik jinoyatlariga qarshi kurashishda, milliy xavfsizlikni ta’minlashda, tashkilotning ichki javobgarligini mustahkamlashda va agentlikka jamoatchilik ishonchini tiklashda davom etishiga ishonch bildirdi.
Endryu Beyli ilgari Missuri shtatining Bosh prokurori lavozimida ishlagan. FQB direktori o‘rinbosari sifatida u saylovlar bilan bog‘liq tergovlarni nazorat qilishda yordam bergan va Jorjiya shtatining Fulton okrugida 2020 yilgi prezidentlik saylovlarida byulletenlarni musodara qilishda ishtirok etgan.
10 yildan beri qidiruvda bo‘lgan o‘zbekistonlik ISHIDchi, «Choyxona» rahbari AQShga ekstradisiya qilindi
Netanyaxu nutqi paytida zalni tark etgan davlatlar ro‘yxati
Ra’no Shodiyeva uchun og‘ir judolik
