Qo‘shma Shtatlar Falastin futbol assosiasiyasi rahbari Jibril Rajubga mamlakat hududida bo‘lib o‘tadigan Jahon chempionati uchrashuvlariga tashrif buyurish uchun viza berishdan bosh tortdi. Bu haqda Associated Press xabar berdi.
Nashr ma’lumotiga ko‘ra, Falastin futbol assosiasiyasi rahbari AQSh vizasi berilmaganini tasdiqlagan. U Vashingtonning mazkur qarorini adolatsiz deb baholagan.
Jibril Rajub uzoq yillar davomida Isroilning G‘arbiy Sohildagi aholi punktlari jamoalarini mamlakat milliy chempionatiga qo‘shishiliga qarshi chiqib kelgan. U buni xalqaro futbol qoidalari buzilishi sifatida baholagan. Shuningdek, u FIFA’ni Isroilga nisbatan sanksiyalar qo‘llashga chaqirgan. Shu sababli, unga viza berilmagani taxmin qilinmoqda.
2026 yilgi FIFA Jahon chempionati kecha, 11 iyun kuni Mexiko shahrida Meksika va Janubiy Afrika terma jamoalari o‘rtasidagi uchrashuv bilan start oldi. Turnir o‘yinlari AQSH, Kanada va Meksikada o‘tkazilmoqda.
Timmi ismli kit bioyoqilg‘iga aylanadi
AQShda ham to‘y qilayotganlar aqldan ozmoqda
Jasjan Rossiyada qo‘lga olindi: bloger kechirim so‘radi
