AQSh Eronning bilvosita yadroviy muzokaralar taklifini ko‘rib chiqmoqda

Oq uy Eronning bilvosita yadroviy muzokaralar taklifini jiddiy ko‘rib chiqmoqda.

Bu haqda Axios portali manbalarga tayanib xabar berdi.

"Oq uy Eronning bilvosita yadroviy muzokaralar bo‘yicha taklifini jiddiy ko‘rib chiqmoqda", — deyiladi nashr.

Avvalroq Eron tashqi ishlar vaziri Abbos Arag‘chi mamlakat bosim va harbiy tahdidlar ostida faqat AQSh bilan bilvosita muzokaralarga rozi ekanini aytgan edi.

Mart oyi boshida AQSh prezidenti Donald Tramp Eron oliy rahbari Ali Xomanaiyga maktub yo‘llab, Tehronga Eron yadro dasturi bo‘yicha kelishuv taklif qilganini aytgan edi.